Rusiyanın Ukraynada apardığı təcavüzkar müharibə artıq dörd ilə yaxındır davam edir. 2022-ci ilin fevralında başlayan işğala dünyanın müxtəlif yerlərində etirazçılar incəsənət, bəzən də Rusiya səfirliklərinin qarşısında vandalizm aktları ilə münasibət bildiriblər.
Ukraynanın işğalından sonra Rusiya səfirliklərini belə trollayıblar
Latviyanın paytaxtı Riqadakı Rusiya səfirliyinin qarşısındakı binanın üstünə Rusiya prezidenti Vladimir Putinin skelet kimi təsvir olunduğu qrafiti çəkilib. (Yanvar, 2023)
Londondakı Rusiya səfirliyinin qarşısındakı küçə Ukrayna bayrağının rənglərinə boyanıb. 2023-cü ilin fevralında işğala etiraz edən vandallar küçəni rəngləmişdilər.
Litvanın paytaxtı Vilnüsdə Rusiya səfirliyinin qarşısında Rusiya prezidentinə ünvanlanmış mesaj çəkilib: "Putin, Haaqa səni gözləyir". (Fevral, 2022)
Çexiyanın paytaxtı Praqada Rusiya səfirliyinin qarşısındakı parkda Yan Slovençikin yaratdığı etiraz heykəli. (Oktyabr, 2025)
2022-ci ilin aprelində Çexiyanın paytaxtı Praqada Rusiya səfirliyinin qarşısındakı yolun bir hissəsinə "Ukrayna qəhrəmanları küçəsi" adı verilib.
2025-ci ilin avqustunda Rusiyanın Vaşinqtondakı səfirliyinin qarşısında bir kişi səkiyə tökülmüş Ukraynaya bağlı rənglərin qalıqlarını təmizləyir.
Polşanın paytaxtı Varşavada Rusiya səfirliyinin qarşısına "Rusiya aqressiyasının qurbanları prospekti" adını daşıyan küçə lövhəsi quraşdırılıb.
Rusiyanın Maltadakı səfirliyinin qarşısında prezident Putinin karikaturası. (Mart, 2022)
2024-cü ilin martında Berlində Rusiya səfirliyinin qarşısında Putin Ukrayna qanında çimərkən təsvir olunub.
Ukraynada döyüşlər zamanı zədələnmiş Rusiya T-72 tankı Berlində Rusiya səfirliyinin qarşısına yerləşdirilib. (Fevral, 2023)
2022-ci ilin martında Litvanın paytaxtı Vilnüsdə Rusiya səfirliyinə aparan yola Ukrayna dilində yeni küçə lövhəsi quraşdırılır. Yol indi "Ukrayna qəhrəmanları küçəsi" adlanır.
Danimarkanın paytaxtı Kopenhagendə Ukrayna prezidenti Volodimir Zelenskinin təsviri Rusiya səfirliyinin üzərinə proyeksiya olunub. (Fevral, 2023)
Berlində Rusiya səfirliyinin yaxınlığına quraşdırılmış bir neçə canavar heykəlindən biri. Lövhədə deyilir: "Əziz cənab Putin, sizə güzgü tuturuq. Nə görürsünüz? Bu aqressiv canavarlar Puşkin, Tolstoy və Çaykovskinin xalqını təmsil edirmi?". (Aprel, 2022)
Rusiyada müxalifət fəalı Aleksey Navalnının ölümündən sonra, 2024-cü ilin martında fəallar İtaliyanın paytaxtı Romada, Rusiya səfirliyinin qarşısına maket küçə lövhəsi quraşdırıblar.
Polşanın paytaxtı Varşavada, Rusiya səfirliyinin qarşısındakı səkidə Ukrayna dilində "Ukraynaya eşq olsun" yazılıb. (Aprel, 2022)
Rusiya da, öz növbəsində, Qərb səfirliklərini trollayıb. ABŞ-nin Moskvadakı səfirliyinin qarşısında quraşdırılmış lövhə. (İyun, 2024)